කලාප අධ්‍යාපන අධ්‍යක්ෂතුමාගේ පණිවිඩය
ඉබ්බාගමුව අධ්‍යාපන කලාපයේ පාසල් 109 ක සිසුන් 42992 ක් පමණ පළමු ශ්‍රේණියේ සිට 13 වන ශ්‍රේණිය දක්වා ඉගෙනුම ලබන අතර ගුරුභවතුන් 2557 ක් පමණ සේවයේ නිරත වේ.අ.පො.ස.(සා/පෙළ), අ.පො.ස.(උ.පෙළ) හා 5 ශ්‍රේණි ශිෂ්‍යත්ව විභාගයෙන් ඉහළ ප්‍රතිඵල කරා සිසුන් ගෙන ඒමටත්, වයඹ පළාතේ ප්‍රතිඵල වලට ඉහළ දායකත්වයක් ලබා දීමටත් හැකියාව ලැබී ඇත.භෞතික වශයෙන් ද පාසල්වල සම්පත් ඉහළ මට්ටමකට ගෙන ඒමට ද අවශ්‍ය සියලු පියවර ගෙන ඇත.
පාසල් අධ්‍යාපන කාර්යාලයට මෙන්ම පාසල් වලට ද ඉහළ මානව සම්පත් හිමි මෙම කලාපයේ පළමු ශ්‍රේණියට ඇතුළත් වන දරුවා දහතුන්වන ශ්‍රේණියේ පාසලෙන් ඉවත් වීම ඉතා වැඩදායි පුරවැසියකු ලෙස සමාජගත කිරීම සඳහා කැපවන විදුහල්පතිවරුන් ඇතුළු කාර්ය මණ්ඩලයක් කලාපය සතුවේ.විෂය මෙන්ම විෂය සමගාමී වැඩසටහන් තුළින් ද සිසුන්ගේ පෞරුෂ වර්ධනය සඳහා ඉටු කරන වැඩසටහන් බොහෝමයක් සෑම වසරකම ක්‍රියාත්මක කෙරෙන අතර පළාත් අධ්‍යාපන අමාත්‍යංශය හා දෙපාර්තමේන්තුව මගින් ලබාදෙන වැඩසටහන් මගින් ශිෂ්‍ය සාධනය ඉලක්ක කරගෙන සාර්ථක සිසුන් පිරිසක් සමාජගත කිරීම සිදුවේ.
කලාප අධ්‍යාපන අධ්‍යක්ෂක
ඉබ්බාගමුව.